Sagata Lampung

Kinjuk way mecoh batu

Way imbun jadi danau
Mati balak hakhopan ku

Tangih kidang kekalau

cekhita kasih sayang
tinggal di ujung tanggai
ku laju ko ya cadang

mondokh mak moneh sampai

hakhap anjak buladang
buhuma di biding wai
di tekha banjekh khawang
mak nyisa pak sehelai

humbu di tutuk juang
hanggum di ijah tawai
khupu mak ngidok tunjang

lapuk nayah mak pandai

bu hija badan cadang
bubakh mudah khek tunai
sengaja di pu buang

mak nunas tangih nangkai

kikha bungkah bekhilang
khupa ni uncuk lihai
khapuh bukhak di sulang

khalang tandok pemakai

khumasa ngaca khaga
pendidik mawat lagi
kayu sebatang kakha

sisihan kanan kikhi

pahoman di umpama.
di latu labung pagi
bu hasok mawat nyala

nunggu padom ni lagi

kikha kiya wat sisa
Bebaya balak heni
Nemah jadi hambua

Kippak cutik bu kheti

dikhi sangon bubida
di sapih jak sakaji
hakhta tangih bubanda

sia jadi pengaji khawan

di khasa khasa

mudah bu pusenggikhi
Induh jengan bu sanda
mak nantu jengan nyampi